Brajan Gruda ishte më i miri në fitoren 5:2 të Leipzigut kundër Augsburgut. Gruda kontribuoi me dy asistime në fitoren e Leipzigut të shtunën, ndërsa të hënën u vlerësua nga trajneri i Leipzigut, Martin Demichelis dhe bashkëlojtarët.
“Ishte një paraqitje e shkëlqyer nga ana e tij. Ai duhet të qëndrojë i qetë dhe të vazhdojë të punojë shumë”, ka thënë Demichelis, shkruan “Bild”.
Lavde thurën edhe David Raum e Willi Orban.
“Ai është vërtet i çmendur, në fakt, është plotësisht i çmendur”, tha Raum.
Orban tha se Gruda është zhvilluar shumë kohëve të fundit.
“Ai po bëhet gjithnjë e më profesional edhe jashtë fushës”, tha Orban.
Gruda është ftuar nga Gjermania për ndeshjet e këtij muaji në Ligën e Kombeve.
Vetë Gruda thotë se paraqitja për Gjermaninë “do të thotë shumë për mua dhe familjen time”.
Gruda është lojtar i Brightonit. Me klubin anglez ka kontratë deri në vitin 2028. Detyrimi i Leipzigut për të blerë Grudën hyn në fuqi në vitin e ardhshëm për rreth 25 milionë euro, pas një numri të caktuar paraqitjesh.