Te skuadra Mulbarton Wanderers janë shprehur “shumë të shqetësuar” pasi u është thënë se duhet ta luajnë sërish ndeshjen me Woodford Town.
Ndeshja kualifikuese në Kupën FA do të përsëritet për shkak të një gabimi të gjyqtarit, shkruan “BBC” të premten.
Mulbarton fitoi 2:1 në raundin e dytë kualifikues të shtunën në udhëtim. Gjithçka lidhet me momentin e minutës së 30-të.
Woodfordi shënoi nga penalltia, por gjyqtari e anuloi golin për hyrjen e parakohshme në zonë të disa lojtarëve të Woodfordi dhe sinjalizoi për “indirekt” në të mirë të Mulbartonit.
Neni 14 i rregullave të lojës thotë se gjyqtari do të duhej ta përsëriste penalltinë.
Mulbarton tani do të jetë nikoqir i ndeshjes më 29 shtator.