Qeveria ka miratuar disa marrëveshje me Suedinë për ekstradim dhe transferim të të dënuarve, por edhe për ndihmë të ndërsjellë juridike në çështje penale. Të fundit e ka miratuar edhe me Belgjikën.
Të gjitha këto çështje i shkojnë Kuvendit për shqyrtim.
Në mbledhjen e tetë, Qeveria të mërkurën ka propozuar në Kuvend edhe përbërjen e Këshillit Kombëtar të Shkencës, ndërsa ka miratuar edhe draftraportin për gjendjen e mjedisit për 2025.
Janë miratuar edhe propozimet për shpronësim për ndërtim të rrugës Korishë-Kabash, rrugës transit në Klinë dhe për një pjesë për autostradën e Gjilanit.