Kandidatja e PDK-së për Komunën e Mitrovicës, Valdete Idrizi, e ka pranuar humbjen ndaj kandidatit të AKR-së, Agim Bahtiri.
Ajo ka falënderuar të gjithë votuesit e saj, ndërsa nuk ka gjetur as edhe një fjalë të vetme urimi për kundër-kandidatin e saj, i cili fitoi edhe një mandat në krye të kësaj komune.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy është postimi i saj:
Falënderim për votuesit e Mitrovicës,
Me respektin më të madh, falënderoj çdo qytetar që kontribuoi për mbarëvajtjen e procesit zgjedhor, duke kontribuar që vota për kandidaturën time, të jetë e respektuar.
Çmoj lartë angazhimin e secilit qytetar që votoi për platformën time, platformën për ndryshim, sado që vota të pamjaftueshme, ato patën jehonën e duhur në shumë familje, brenda dhe jashtë vendit. Përgëzoj secilin veç e veç. Ju faleminderit.
Shpreh respekt për zgjedhjen e secilit qytetar të Mitrovicës në këto zgjedhje, por konsideroj megjithatë se çdonjëri ka për obligim ta japë kontributin për një Mitrovicë më të mirë, pavarësisht përgjegjësisë që ka. Qytetari i Mitrovicës ka zgjedhur vazhdimin e qeverisjes së deritashme, ashtu qoftë!
Faleminderit!