Lumir Abdixhiku, shefi i shtabit zgjedhor të LDK-së, ka deklaruar se rezultati i zgjedhjeve lokale të 22 tetorit, i cili nxori këtë parti si më të madhen në vend, është rezultat i bashkimit të fortë brendapartiak.
Për KTV-në, Abdixhiku ka thënë se LDK përpos që i gëzohet fitores së vet, ajo po i gëzohet edhe rënies së PDK-së.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Duhet të zbresim me këmbë në tokë sepse puna më e madhe është tash. Kandidatët kanë kryer 9000 takime. Vota është si rezultat i takimeve tona. LDK nuk ka vepruar me arrogancë. Ky është rezultat i refleksionit të bashkimit të brendshëm të LDK-së të të gjitha gjeneratave. Kemi bashkëpunim të mirë të anëtarëve të vjetër të partisë dhe atyre të rinjve. Jemi të lumtur edhe për rënien e kundërshtarit tonë PDK-së në shumicën e komunave”, ka thënë ai.
Abdixhiku nuk ka pranuar të tregojë nëse LDK do të përkrahë ndonjë kandidat të partive tjera në balotazhet e disa komunave. Ai ka shtuar se nuk duan koalicion me ndonjë parti, por targetojnë votuesit e të gjitha partive.