Kryetari i Komunës së Gjilanit, njëherësh kandidat edhe për një mandat qeverisës, Lutfi Haziri, ka parë nga afër sot punimet në ndërtimin e shëtitores mbi lumin “Mirusha”.
Haziri tha se kjo shëtitore është kthyer në qendër për bizneset.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Përfundimisht, në lagjen e ‘Balecit’ nuk ka më kundërmim. Kjo shëtitore është kthyer në qendër për bizneset. Planifikohet organizimi i bizneseve të mesme dhe të vogla, duke krijuar vende të reja pune dhe duke e ringjallur pas 30 viteve qendrën e Gjilanit”, ka thënë Haziri, duke treguar për realizimin e projektit të tërësishëm.
“Do të vazhdojmë rindërtimin e sheshit përfshirë gjelbërimin, organizimin urban dhe kjo shëtitore e re do të përfundojë tek furra “Aroma” në pjesën e epërme, ndërsa do të vazhdojmë në pjesën e poshtme deri tek “Mulliri i Akllapit”. Ne besojmë që në vitin e ardhshëm do të përfundojnë të gjitha punimet në këtë pjesë dhe do të fillojmë ta rindërtojmë në të njejtën mënyrë lumin “Stanishorka”, ka shtuar kreu i Gjilanit.
Kryetari Lutfi Haziri ka theksuar se sheshi “Rexhep Mala e Nuhi Berisha” tashmë po merr formë, duke vazhduar zgjerimin e rrezes dhe duke e vendosur në plan të parë rrënimin e ish-objektit të ekzekutivit dhe hapjen e hapësirave për qytetarët dhe për bizneset.