Nënkryetari i Lëvizjes Vetëvendosje, Glauk Konjufca sonte në një intervistë për RTV21 shpalosi planin e kësaj lëvizjeje për Demarkacionin me Malin e Zi
Konjufca tha se një qeveri e ardhshme do të duhej që të hedhte poshtë një version të tillë të demarkacionit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMirëpo, i pyetur se a kanë ndonjë plan për demarkacionin nëse do të vijnë në qeveri. Ai u përgjigj se e kanë një plan konkret.
Sipas tij ky plan ka disa pika. “Pika e parë është që në kordinim me subjektet e tjera ta hedhim poshtë një punë e cila tashmë jemi të bindur se është me shumë lshime, e dyta ta bëjmë një strategji, e treta të kontaktohet Mali i Zi, dhe të nxisim një diskutim me Malin e Zi”, tha ai për emisionin “Argument Plus”
Megjithatë, nëse Mali i Zi nuk pranon versione tjera ai shtoi se duhet ta bëjnë një strategji tjetër, duke thënë se janë të bindur se kanë argumente shkencore të vlefshme.
Sipas Konjufcës, populli e ka dhënë një porosi të qartë në këto zgjedhje
Lidhja Demokratike e Kosovës, nuk është në kurrfarë pozite për ta kërkuar postin e kryeministrit, tha Konjufca.
“Ne as që e diskutojmë bile…ata e kishin kryeministrinë për tri vite me radhë na treguan çka dinë dhe çka munden, pikërisht për shkak të kësaj qeverisje, LDK-ja doli në vendin e tretë”, tha Konjufca.
Ditë më parë zyrtari i LDK-së, Muharrem Sfarqa tha se kjo parti hynë në koalicion me Vetëvendosjen nëse u jepet posti i kryeministrisë, Konjufca tha se atëherë LDK-ja të përgatitet për zgjedhjet e reja.
“As që do të ishte pikë në negociatat e ardhshme me Lidhjen Demokratike të Kosovës. Një porosi të qartë populli e ka dhënë në këto zgjedhje”, përfundoi Konjufca.