I nominuari për kryeministër nga koalicioni LDK-AKR-Alternativa, Avdullah Hoti, përmes një shkrimi në Facebook ka përmendur të gjitha punët e tij gjatë ditëve të fundit të fushatës.
Ai ka vlerësuar edhe punën e KQZ-së për mbrëmjen e kaluar dhe të gjitha organeve tjera të rendit, duke shpresuar që sa më shpejtë të themelohen institucionet në vend.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeri tani ku kanë mbetur më pak se 10 për qind të votave të pa numëruara, koalicioni LDK-AKR-Alternativa renditen të tretit pas PAN-it dhe Vetëvendosjes.
Shkrimi i plotë i Hotit:
Të nderuar anëtarë dhe simpatizantë të LDK-së,
Të nderuara struktura të LDK-së të nëndegëve dhe degëve, Forumit Rinor, Forumit të Grave, Kuvendit të LDK-së, Këshillit të Përgjithshëm dhe Kryesisë së LDK-së,
Të nderuar qytetarë, votues të LDK-së dhe koalicionit,
Dëshiroj t’ju falënderoj nga zemra për mbështetjen që më keni dhënë në këto zgjedhje. Këto tri javë për mua kanë qenë një rrugëtim i jashtëzakonshëm. Kam takuar mijëra qytetarë të të gjitha moshave, studentë, të rinj e të reja, afaristë, bujq, pensionistë, punëtorë.
Me ekipin tim, jam munduar të zhvilloj një fushatë të civilizuar, fer, me program të qartë dhe të realizueshëm. Besoj shumë se kemi vendosur një standard të ri në politikë në këtë drejtim.
Dëshiroj në emrin tuaj të falënderoj të gjithë ata që kanë qenë të përfshirë në procesin zgjedhor, komisionarët, vëzhguesit vendor dhe ndërkombëtar, KQZ, KKZ, policinë dhe organet e rendit, për punën e tyre në mbrojtje të votës së sovranit.
Pres nga KQZ që në ditët në vijim të certifikojë rezultatin e zgjedhjeve dhe të themelohen institucionet e vendit në përputhje me Kushtetutën.
Rrugëtimi jonë bashkë do të vazhdojë për të mbrojtur liritë tona qytetare, rendin dhe ligjin dhe siguruar perspektivën evropiane për Kosovën. Rrugë tjetër nuk ka. LDK dhe unë nuk do të lëshojmë rrugë për ata që dhunojnë këto vlera. LDK dhe unë do të qëndrojmë të palëkundur në mbrojtje të këtyre vlerave.
I juaji,
Avdullah Hoti