Zgjedhjet lajme

Abrashi: Duhet të hiqet diskriminimi i moshës në pagën minimale

Një qeveri potenciale Hoti parasheh pagë minimale prej 210 euro. Për këtë, Arban Abrashi përfaqësues i LDK-së thotë se tashmë ekziston edhe një pajtueshmëri te të gjithë sektorët.

Abrashi në Rubikon të KTV-së theksoi se diskriminimi sipas moshës duhet të hiqet, dhe atë sa më parë.

“Diskriminimi është se një udhëzim administrativ e rregullon çështjen e pagës minimale, parasheh që paga minimale për ata që janë nën 35 vjet është 130 euro ndërsa për ata mbi 35 vjet është 170 euro”, ka thënë ai.

“Paga duhet të jetë e njëtrajtshme dhe të jetë diku rreth 200 euro”, ka thënë Abrashi.

Kjo sipas Abrashit do të rregullohet në muajt e parë të qeverisjes.