Përfaqësuesi i Këshillit të Prindërve të Kosovës, deklaroi se krahasuar me zgjedhjet e kaluara, pjesëmarrja dhe keqpërdorimi i fëmijëve në fushatën aktuale zgjedhore është më e ultë.
Që fëmijët të mos përdoren në fushatë zgjedhore, në televizionin publik, ka folur Bajram Beqiri, kryetar i Këshillit të Prindërve të Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi tha se pasi jemi në fushatë me 1 qershor për ditën e fëmijëve, kanë kërkuar që ata të mos përdoren nga ana partive politike, ku mund të ketë edhe telashe mes nxënësve.
Sipas tij, aktualisht krahasuar me zgjedhjet e kaluara kësaj here fushata është më e qetë dhe keqpërdorimi është pak më i vogël. Ai tha se pjesëmarrja e fëmijëve mund ta rrit masën por jo edhe votën kur dihet se nuk kanë të drejtë vote.
Beqiri tha se në disa raste janë të njoftuar se fëmijët përdoren edhe për shpërndarje të posterëve të kandidatëve të ndryshëm, megjithatë edhe kjo gjë është në nivel më të vogël se herëve të kaluara.
Megjithatë ai u bëri thirrje partive politike që për asnjë qëllim të mos përdoren fëmijët, por ata që ju duhet të jenë më të mëdhenj se 18 vjet. Sipas tij, edhe shkollat të mos përdoren në kohën e mësimit, por të gjendet koha kur ato janë të lira dhe fëmijët shkojnë në shtëpitë e tyre.
Sa i përket pjesëmarrjes së fëmijëve në fushata, Beqiri tha se mund të jenë disa të nxitur edhe nga ana e prindërve gjë që është shumë e gabuar dhe ju bëri thirrje që të mos ndodh kjo, se është në të mirë të mirëqenies së fëmijëve të tyre, që të mos përfshihen në gjëra të tilla.
Ai tha se nganjëherë në shtrimin e çështjeve të ndryshme, Ministria e Arsimit i përdor ata si dekor, por një gjë të tillë nuk do ta lejojnë asnjëherë.