Pasi hoqi dorë nga kufjet me fishë, Apple përgatitet për një tjetër ndryshim të madh në serinë e produktit të saj më të suksesshëm, iPhone.
Ming-Cho Kuo, një analist i njohur në sektorin e telefonave inteligjentë, thotë se iPhone 8 (që si zakonisht pritet të dalë në treg në muajin shtator) nuk do të ketë butonin fizik “Home”, transmeton tch.
Butoni fizik do të njësohet me gjithë ekranin me prekje, me ndryshimin e vetëm se në momentin që prek në pjesën ku tek produktet paraardhëse ndodhet ky buton, do të shfaqet ajo që Ming-Chi Kuo e quan “Funciton Area”, ose zona e funksioneve.
Do të jetë një zonë multifunksionale që jo vetëm do të zëvendësojë butonin tradicional, por edhe do t’i mundësojë kompanisë që të kryejë edhe disa ndryshime të tjera në përmirësimin e dizajnit të pajisjes.
Objektivi i parë është reduktimi në maksimum i kornizave anësore të telefonit dhe eleminimi i gjithë butonave fizikë, që parashikohet të jetë edhe trendi i këtij viti në tregun e telefonave inteligjentë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo