Skitari Albin Tahiri përmes një postimi në Facebook ka bërë të ditur se ka thyer rekordin personal në garën e sotme në Kampionatin Botëror që po mbahet në Zvicër.
Në garën e djeshme në Wengen ai kishte përfunduar garën në vendin e 43, përderisa sot në disiplinën lëshim i lirë e përfundoi garën në vendin e 55, duke marrë 109.64 pikë, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
“Me sukses e përfundova garën në lëshim të lirë sot. Ishte lëshim solid, arrita ta thyej rekordin e shpejtësisë personale me 140.5 km/h dhe me siguri lëshimin më të gjatë që kam pasur. Ishte një përvojë shumë e mirë dhe i respektoj djemtë tani është më shumë pas kësaj”, ka shkruar ai në Facebook.
Tahiri tashmë e ka fituar normën olimpike për Lojërat Dimërore “PyeongChang 2018”.