Futbollisti i përfaqësueses së Kosovës, Benjamin Kololli, ka shënuar dy golat e fitores për Lausannen.
Kololli në fitoren 2:1 ndaj Luganos të dielën, në kuadër të javës së 18-të të Superligës së Zvicrës, golin e parë shënoi në minutën e 24-t, kurse të dytin në minutën e 35-të, shkruan sot “Koha Ditore”. Në 13 paraqitje Kololli ka shënuar pesë gola dhe ka kontribuar me dy asistime.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDy gola në fitoren e arritur nga Baseli me rezultatin 3:0 ndaj St. Gallenit i shënoi sulmuesi Albian Ajeti. Ajeti golin e parë e shënoi në minutën e 26-të, kurse të dytin për 2:0 e shënoi në minutën e 65-të. Ajeti në 15 paraqitje ka shënuar tetë gola dhe një asistim.
“Kisha për qëllim të mos festoja në shenjë respekti për shokët e mi. Ishte një ndeshje e veçantë për mua, pasi luajta kundër ish-skuadrës ku kalova një kohë të mirë”, ka thënë Ajeti që te Baseli u kthye gjatë tetorit të këtij viti nga skuadra e St. Gallenit. Lëvdata Ajeti pati edhe nga trajneri i St. Gallenit, Giorgio Contini.
“Një lojtar si Ajeti neve do të na bënte mirë”, ka thënë Contini.