Brose Bamberg – Fenerbahce Dogus Istanbul 57:80
Fenerbahce Dogus Istanbul pati paraqitje të shkëlqyer në mbrojtje dhe e ndali skuadrën Brose Bamberg në vetëm 57 pikë, duke i shënuar atyre 80 në total. Kjo ishte fitorja e katërt në pesë ndeshjet e fundit për Fenerbahcen, që shkon tani në katër fitore e dy humbje, kurse Brose, krahas tre fitoreve, regjistron edhe humbjen e tretë këtë sezon. Fenerbahce shënoi gjashtë herë nga vija për tri pikë në 9 tentimet e para në pjesën e parë, dhe u dhuroi atyre avantazh prej 14 pikëve. Nga ana tjetër, Bamberg nuk u afrua më më shumë se shtatë pikë. Më i dalluari në parket kampioni në fuqi ishte Jan Vesely me 15 pikë, kurse Augustine Rubit te humbësit pati 12 pikë në total.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Olympiacos – Panathinaikos 62:70
Në derbin grek që ishte i zjarrtë dhe me shumë intensitet, në fund fitues foli Panathinaikosi që e arriti fitoren e parë si mysafir sivjet në Euroleague, përballë Olympiacosit, 70:62, në palestrën “Peace and Friendship”. Panathinaikosi shkon në katër fitore e dy humbje. James Gist i udhëhoqi fituesit me 15 pikë, kurse te vendësit u dallua Janis Strelnieks, me 18 pikë.
Unicaja Malaga – Crvena Zvezda 79:65
Unicaja Malaga e shënoi edhe fitoren e dytë rresht për herë të parë këtë sezon në Turkish Airlines Euroleague pasi e mposhti Crvena Zvezdën e Beogradit me shifrat, 79:65. Nemanja Nedoviq ishte më i miri te skuadra spanjolle me 17 pikë e katër asistime. Zvezda tani që e pëson humbjen e tretë rresht si mysafir, ka vetëm dy fitore e katër humbje. Çereku i katërt ishte vendimtar në fitoren e vendësve, të cilët u shkëputën shumë në rezultat duke shkuar madje në një periudhë me shifrat 70:53, për të mos e lëshuar më epërsinë dhe për t’iu gëzuar në fund fitores së merituar.