Kroacia pothuajse ka siguruar kualifikimin në Botërorin “Rusia 2018”, kjo pasi shënoi fitore bindëse ndaj Greqisë në ndeshjen e parë të “play-offit”.
Kroatët u treguan të pamëshirshëm ndaj grekëve, duke fituar përballjen e parë me rezultat 4 me 1, raporton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIshte ylli i Real Madridit dhe kapiteni i Kroacisë, Luka Modriq ai që u përkujdes për epërsinë e parë të vendasve, duke realizuar nga penaltia në minutën e 13.
Epërsinë e dyfishoi sulmuesi i Milanit, Nikola Kaliniq në minutën e 19, pas asistimit nga Striniq.
Greqia e ngushtoi epërsinë në minutën e 30 përmes Sokratis, megjithatë pas vetëm 3 minutave kroatët shënuan edhe njëherë përmes yllit të Interit, Ivan Perishiq, që shënoi pas asistimit nga Vrsaljko, transmeton Koha.net.
Kroatët, që dominuan këtë takim, shënuan edhe njëherë në pjesën e dytë përmes Kramariqit, për të cilin po ashtu asistoi Vrsaljko.
Ndeshja kthyese zhvillohet më 12 nëntor në Greqi.