Marco Fassone ka insistuar se “Derbi della Madonnina” nuk do të jetë vendimtar për fatin e trajnerit Vincenzo Montella, por shpreson se rindërtimi i Milanit nuk do të shkojë gjatë.
Montella është në presion për të fituar derbin e së dielës kundër Interit, me Milanin që ka humbur tri nga gjashtë ndeshjet e Serie A, por shefi i kuqezinjve e ka bërë të qartë se do të përkrah trajnerin italian.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk do të jetë derbi vendimtar për Montellan”, ka thënë Fassone.
“Trajneri ka përkrahjen e plotë dhe përsëris se kam besimin e plotë për të”, ka shtuar ai.
“Filluam një projekt afatgjatë, jo vetëm për 7-8 ditë. E dimë se merr kohë, por ne shpresojmë të mos zgjasë shumë. Derbi nuk do të jetë vendimtar as për Milanin. E dimë se është ndeshje e rëndësishme sepse nisim takimin pas dy humbjeve, por ‘vendimtare’ është fjalë e madhe”.