Ka përfunduar Kampionati Evropian në peshëngritje për kadetë dhe juniorë U15 dhe U17, që për herë të parë u zhvillua në Prishtinë, në Pallatin e Rinisë dhe të Sporteve.
Gara që nisi më 22 shtator, solli në Prishtinë 32 shtete nga Evropa, me 260 garues në total, në tetë kategori.
Në këtë garë, Kosova u përfaqësua me katër garues të rinj, Endrit Hoxha në kategorinë 85 kg, Bleron Fetahu 77, Drin Cakaj 62, dhe Mihnet Veliji 56, ku tre prej tyre i thyen rekordet e tyre shtetërore.