Sport

Lotito: Fati i Keita Baldes në duart e Tares

Presidenti i Lazios, Claudio Lotito ka thënë se e ardhmja e Keita Baldes do të vendoset nga drejtori sportiv, Igli Tare.

Sulmuesi i Lazios dëshiron transferimin tek Juventusi, përkundër interesimit të shumë skuadrave për shërbimet e tij, transmeton Koha.net.

“Keita? Afati kalimtar mbyllet më 31 gusht dhe gjithçka është në duart e drejtorit sportiv (Igli Tares). Drejtori sportiv e ka përgjegjësinë për ta bërë ekipin edhe më garues, dhe çfarëdo që ai ndjen se është përshtatshme do të pranohet nga Presidenti, që në këtë rast është vetëm spektator”, ka thënë ai, raporton Football Italia.