Feronikeli më në fund i ka nisur përgatitjet për sezonin e ri, që nis me 19 gusht.
Në mungesë të trajnerit, seancën e parë stërvitore, e ka drejtuar trajneri Ramiz Dervishi, i cili në xhirot e fundit të kampionatit të fundit, ishte në krye të ekipit pas largimit të Afrim Tovërlanit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë grumbullimin e parë, u panë disa ndryshime te skuadra nga Drenasi, pas largimit të, Fidan Gërbeshit, Ardian Limanit, Mevlan Zekës, Blerand Kurtishajt dhe Flamur Nezirit.
Drejtori i klubit, Artan Berisha, ka zbuluar për Sportin në KTV, arsyen e largimeve të shumta si dhe ka paralajmëruar edhe ardhje të reja.
Sa i përket trajnerit të ri dhe mungesës së disa lojtarëve në stërvitjen e parë, ai ka deklaruar se brenda javës do të definohet çdo gjë.
Berisha e ka konfirmuar se klubi nuk është në gjendje të keqe financiare.
Behar Maliqi dhe Mark Milicaj, janë dy futbollistët që të hënën i kanë vazhduar kontratat edhe për një vit. Të dy treguan arsyen që i shtynë të qëndrojnë edhe për një vit në Drenas.
Transferimi i vetëm i Feronikelit deri me tani, është Qemail Elshani, i cili është rikthyer në klubin ku është rritur.
Në seancën e parë, mungoi mesfushori Mentor Zhdrella, që është pa kontratë dhe e ardhmja e tij mbetet e paqartë si dhe Mendurim Hoti, Burim Qorri dhe Haxhi Shala. I pranishëm por që nuk ka stërvitur me ekipin, ishte edhe Bujar Shabani, i cili ka kontratë me “Niklin”, por e ardhmja e tij në këtë skuadër mbetet e pasigurt.