Zekirija Ramadani, trajneri i Trepçës ’89, thotë se përgjegjësia e plotë për humbjen nga Vikinguri i takon vetëm atij.
Kampioni i Kosovës u mposht 1 me 4 në shtëpi në ndeshjen e dytë të raundit të parë kualifikues në Ligën e Kampionëve duke u eliminuar me rezultat të përgjithshëm 2 me 6.
“Përgjegjësia më takon plotësisht mua. E kam thënë edhe para ndeshjes, se nëse nuk fitojmë, përgjegjësia më takon mua. Jam i gatshëm edhe të largohem nëse e kërkon kryesia. Lojtarët dhanë maksimumin. Ishte vendimi im për zëvendësime”, ka thënë ai.
Sipas Ramadanit, mungesa e përvojës ishte e meta kryesore e ekipit të tij.