Në paraditen e së martës futbollistet e përfaqësueses së Kosovës mbajtën seancën e dytë stërvitore, para përballjes me Poloninë në “Alanya Cup” që zhvillohet të mërkurën.
Përzgjedhësja e Kosovës, Afërditë Fazilija ka thënë se stërvitja e së martës ka shërbyer për të parë më mirë lojtaret që janë bashkuar për herë të parë me përfaqësuesen.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Stërvitjet e sotme ka të bëjë me përgatitjet e ekipit me ushtrime për situatat në lojë. Intensiteti ishte më mesatar sepse kemi lojtare që ende nuk janë në nivelin e duhur të përgatitjes fizike”, ka thënë Fazlija.
“I bëmë disa elemente apo situata të lojës që kryesisht bëhen një ditë para lojës. Mirëpo stërvitja e sotme a shërbeu edhe për të parë sa më mirë lojtaret që për herë të parë janë bashkuar me ekipin. Kryesisht qëllimi i kësaj stërvitje është ushtrimi i situatave në lojë dhe përgatitja për ndeshjen e nesërme”, ka shtuar ajo.
Futbollistja Valentinë Limani ka thënë se përfaqësuesja e Kosovës do të befasojë me lojë në përballjen kundër Polonisë.
“Grupi na ka pritur mjaft mirë. Klima është e mirë dhe në ekip, ndërsa nesër besoj që do ta kemi edhe fatin në anën tonë dhe të arrijmë sukses. Jemi ekip i ri dhe besoj se do të befasojmë me lojë të mirë”, ka thënë Limani për FFK-në.
Marigonë Durguti ka thënë se përfaqësuesja do të mundohet që ta prezantojë Kosovën sa më mirë në “Alanya Cup”
“Besoj se kemi një atmosferë të mirë dhe në ndeshjen e nesërme do të tregojmë futboll cilësor si dhe do të tregojmë kulturë sportive që Kosova të prezantohet sa më mirë”, ka thënë Durguti.
“Ky është një grumbullim i mirëseardhur. Atmosfera në ekip është mjaft e mirë, nuk është hera e çarë që jam pjesë e Kombëtares së Kosovës dhe besoj se nesër kemi me dhënë maksimumin për të arritur rezultat të mirë”, ka thënë Qendresa Krasniqi ndërsa Blertë Kaqiu ka shtuar: “Jemi duke përgatitur maksimalisht, bashkë me shtabin teknik për të arritur rezultate sa më të mira. Shpresoj se nesër do të jemi të kompozuara mirë kundër Polonisë dhe besojë e shpresojë se do të arrijmë rezultat pozitiv”.