Shoqata e Gazetarëve Sportivë të Kosovës dhe Asociacioni i Gazetarëve të Kosovës kanë reaguar për lëndimin e gazetarit të Klan Kosovës, Jon Ajeti, që u godit me gurë nga tifozët e Llapit në ndeshjen ndaj Drenicës në kuadër të gjysmëfinales së Kupës.
Dy organizatat thonë se veprimi i tillë është shqetësim serioz për komunitetin e gazetarëve dhe kanë kërkuar nga FFK që të merren masat për t’i mundësuar gazetarëve kushte për punë, që duhet të jenë të garantuara.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy është reagimi i SHGSK-së dhe AGK-së:
Reagim
ShGSK dhe AGK, e kanë pritur me shqetësim lëndimin e gazetarit të Klan Kosovës, Jon Ajeti, i cili u godit me gurë nga tifozët e Llapit gjatë ndeshjes kundër Drenicës në kuadër të gjysmëfinales së Kupës së Kosovës.
Të dyja organizatat, vlerësojnë se veprimi i tifozëve të Llapit paraqet shqetësim serioz për komunitetin e gazetarëve.
ShGSK dhe AGK kërkojnë nga klubet dhe FFK të marrin masa dhe t’ua mundësojnë gazetarëve kushtet për punë, të cilat duhet të jenë të garantuara.