Robbie Williams ka anuluar koncertet e tij të mbetura të turit evropian, pasi u godit nga një “sëmundje e mistershme”, transmeton Koha.net.
43 vjeçari, u detyrua të anulojë koncertet e tij në Shën Petersburg dhe në Moskë, si dhe është larguar nga ngjarja në “New Wave” në Sochi, raporton Daily Star.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas këtyre raportimeve turi i tij “Heavy Entertainment Show” ka mbledhur më shumë se 1.1 milion fansa të tij gjatë kësaj vere.
Këto anulime të koncerteve ai thotë se i ka bërë pasi është keq për shëndetin e tij.
“Kjo punë vërtet është e keqe për shëndetin tim, do të më mbytë, përveç nëse e shoh në një mënyrë tjetër”, ka thënë ai.
Williams thotë se e tërë familja e tij është në depresion, e kjo për shkak të famës.
“Depresioni është në familjen time. Nuk e di nëse do të isha mentalisht i sëmurë pa famë. Nuk e di nëse do të ishte kaq e madhe apo kaq e fuqishme nëse s’do të kishte qenë fama”, thotë këngëtari.
Kjo nuk është hera e parë që Williams është përballur me depresionin në jetën e tij.