Persona të shumtë janë kujdesur t’i urojnë ditëlindjen idhullit të tyre dhe divës së muzikës, Beyonce.
Ajo dje mbushi 36 vjet dhe me këtë rast mediat sociale u pushtuan nga mesazhe të shumta uruese.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë mesin e tyre kishte edhe të famshëm nga fusha të ndryshme, por Expressi në KTV ka veçuar katër prej tyre, e ato janë: Adele, Nicki Minaj, Anna Kenrick dhe Michelle Obama.
Adele e ka postuar një fotografi të Beyonces në Instagramin e saj me mesazhin: “Urime ditëlindjen mbretëresha Beyonce. Të duam si askënd tjetër”. Kjo nuk është hera e parë që Adele e shfaq admirimin e saj për këngëtaren amerikane.
Para një viti në ceremoninë e ndarjes së shpërblimeve Grammy, kur Adele u shpall fituese e çmimit “Albumi më i mirë” me të dal në skenë, e emocionuar dhe e përlotur, ajo zgjodhi të flas për Beyoncen dhe albumin e saj “Lemonade” duke e uruar dhe lavdëruar atë për këtë projekt.
Nicki Minaj, përveç që është adhuruese e Beyonces, ajo poashtu është një prej bashkëpunëtoreve të afërta të këngëtares.
Ajo gjithmonë e ka shfaqur admirimin e saj për Beyoncen, duke thënë se ndihet e nderuar që Beyonce e vlerëson atë si artiste duke e ftuar në projektet e saja muzikore, si dhe tregon se Beyonce gjithmonë është treguar shumë e sjellshme dhe e dashur me të.
Anna Kendrick, është një aktore me nam në Hollywood, por e cila nuk ngurron ta tregojë dashurinë që e ka për Beyoncen. Madje në një rast që kishte pasur ta takojë këngëtaren personalisht, Anna vetëm sa nuk ishte alivanosur nga emocionet.
Ndërsa të jesh e pëlqyer nga ish-zonja e parë e shtetit, Michelle Obama, do të thotë shumë për një artiste. Beyonce njihet si mike e afërt e familjes presidenciale Obama, madje ajo ishte ftuar të performojë në ceremoninë inauguruese të ish-presidnetit, Barack Obama.
Beyonce gjithnjë e ka shprehur admirimin e saj për Michellen si grua, por ky admirim është i dyanshëm, pasi edhe zonja Obama nuk ka ngurruar asnjëherë ta lavdërojë Beyoncen për gjithçka që ajo bënë.
Këto janë katër femra të arritura, secila në mënyrën e tyre, të cilat nuk kanë hezituar t’i ndajnë ca minuta nga agjenda e tyre, dhe publikisht t’ia urojnë ditëlindjen një prej artisteve më të shquara në botë, Beyonce.