Është një prej hip-hop artistëve më të pëlqyer shqiptarë. Këngët e tij dëgjohen për një kohë të gjatë.
Ndonëse këtë verë nuk ka qenë shumë aktiv me këngë e videoklipe, Lyrical Son thotë se ai dhe gjithë artistët e përfshirë në labelin “PINT”, kanë punuar shumë për projektet e reja të cilat do të publikohen gjatë muajve të mbetur të vitit.
Me pak këngë, por me një agjendë të ngjeshur sa u përket mbrëmjeve muzikore. Kosova, Shqipëria e Mali i Zi kanë qenë vendet më të frekuentuara gjatë këtyre muajve të nxehtë.
Kënaqësia e të qenit pranë atyre që e dëgjojnë muzikën e tij thotë të jetë e madhe, aq sa edhe sfida e të qenit larg familjes, veçanërisht gruas dhe vajzës.
Bashkëpunimi me Ronela Hajatin në këngën “Sonte”, është i fundit që këngëtari ka sjellë.