Jennifer Aniston dhe Reese Witherspoon do të bashkëpunojnë për një projekt televiziv.
Bëhet fjalë për një seri televizive , që ende nuk ka një titull dhe që do të flasë për mediat dhe programet e mëngjesit të New Yorkut, shkruan Tgcom24, transmeton ATSH.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDy aktoret dhe miket kanë punuar edhe më parë bashkë, edhe pse për pak episode, në telefilimin “Friends”, ku Witherspoon ka interpretuar rolin e motrës së vogël të protagonistes Rachel Green, (të interpretuar nga Aniston).
Jay Carson, producent i “House of Cards” seri për të cilën është nominuar dy herë për çmimet Emmy, do të jetë skenaristi dhe producenti ekzekutiv së bashku me dy aktoret, edhe ato në rolin e producentes, përveçse protagoniste.
Ideja mbërrin nga ish presidenti i divizionit të dramës të HBO Michael Ellenberg, dhe do të jetë ndoshta pikërisht HBO që do të merret me transmetimin.
Për Aniston do të ishte roli i parë televiziv pas “Friends”, seria kult për të cilën u nominua pesë herë në çmimet Emmy.
Së fundmi aktorja ka deklaruar për Variety se dëshironte të kthehej në tv sa më shpejt : “E kam menduar shumë: në televizion është puna dhe aty është cilësia. Në këtë pikë të karrierës sime dua të jem pjesë e historive të mrekullueshme, personazheve interesante dhe të zbavitem”.