Motrat Koçi zihen dhe xhelozojnë njëra-tjetrën

Këngëtaret e njohura nga Shqipëria, Greta dhe Eni Koçi, këtë të diele ishin mysafire të emisionit “Summer: 1 Kafe me Labin”.

Gjatë bisedës në emision, motrat Koçi kanë treguar se ka raste kur zihen mes vete në shtëpi, për shembull për veshjet, transmeton Koha.net. Po ashtu, ato kanë zbuluar se xhelozojnë njëra-tjetrën për sukseset e këngëve të tyre por në fund të fundit, thonë motrat, se janë të kënaqura.

Gjithashtu, në pyetjen se a do të ketë ndonjë këngë të përbashkët të motrave Koçi në të ardhmen, ato janë përgjigjur se njëherë nuk planifikojnë një gjë të tillë.

Greta së fundmi ka publikuar këngën e re “Nuk ka dashni” në bashkëpunim me reperin kosovar, Genc Prelvukaj. Ajo në emision është shprehur se ndihet shumë e kënaqur me këngën e re dhe bashkëpunimin me reperin.

Edhe Eni, po ashtu, së fundmi ka publikuar këngën e re “Hold Up” të cilën e ka realizuar në bashkëpunim me këngëtarin Blake.

Greta Koçi është motra më e madhe e Enit, dhe ndërmjet veti kanë diferencë pesë vite.