Këngëtarja e mirënjohur shqiptare, Bebe Rexha në një intervistë për Flaunt Magazine ka zbuluar se çfarë e ka bërë që të dojë vetveten.
Ajo thotë se, “thyerja e zemrës ishte e mrekullueshme pasi kjo e ka mësuar që ta dojë vetveten”, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Ylli i “No Broken Hearts” ka thënë se njerëzit duhet ta bëjnë veten e tyre të lumtur, në mënyrë që të mos pendohen për ndonjë gjë.
“Duhet ta bësh veten të lumtur sepse nuk do të donit të vdisnit duke u penduar për ndonjë gjë, dhe të thuash se jetove për të tjerët. Kjo është një gjë që nuk e bëj, nuk jetoj për të tjerët”, ka thënë ajo për Flaunt Magazine.
Më tutje ajo ka shtuar se gjëja më e rëndësishme në jetën e saj është se mësoi ta dojë veten.
“Gjithmonë i doja të tjerët, apo mundohesha të gjeja dashurinë. Mendoj se thyerja e zemrës ishte një gjë e mrekullueshme sepse isha në gjendje të mësoj se si ta doja vetveten, që është gjëja më e rëndësishme”, është shprehur Bebe Rexha.
