Vetëm në 3 muajt e fundit, në stacionet policore të Prishtinës janë raportuar mbi 370 raste të vjedhjeve.
Mungesa e kamerave të sigurisë në rrugët e kryeqytetit mbetet shqetësim, por ka raste kur as filmimet e kamerave nuk japin rezultat, sikur në rastin e Blerta Hasanit, kur vjedhësja e saj u identifikua, por shëtit e lirë, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë ngjarjen që ndodhi të martën, ajo mbeti pa 140 euro, pa kartela bankare e të gjitha dokumentet e tjera personale. Hasani është vetëm një nga shumë viktimat e vjedhjeve kohëve të fundit.
Të premten mbrëma në Podujevë është raportuar për një vjedhje të rëndë, që jo-zyrtarisht mësohet se bëhet fjalë për një vlerë mbi 60 mijë euro.
Vjedhje të shumta edhe në nivel vendi janë pjesë e raporteve të përditshme të Policisë.
Për dallim nga numri i madh i vjedhjeve, numri i kamerave të sigurisë që menaxhohen nga komuna në rrugët e kryeqytetit është shumë i vogël – vetëm 8 sosh.
Në Komunën e Prishtinës thonë se me Ministrinë e Punëve të Brendshme janë duke biseduar për përpilimin e projektit, vendosjen e kamerave në të gjitha rrugët.