Njerëzit me migrena kanë nivele të larta të mikrobeve të caktuara në gojët e tyre dhe në sistemet e tretjes, sugjeron studimi i ri.
Në mënyrë specifike, analiza e të dhënave nga projekti i quajtur American Gut Project zbuloi se personat që vuajnë nga migrena kishin sasi dukshëm më të larta të mikrobeve që e ulin nivelin e nitrateve sesa personat pa migrena. Projekti i përfshiu mbi 170 mostra orale dhe pothuajse 2,000 mostra fekale, thanë studiuesit, transmeton koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Është kjo ideja se disa ushqime shkaktojnë migrena - çokollata, vera, dhe sidomos ushqimet që përmbajnë nitrate," tha autori kryesor Antonio Gonzalez, nga Universiteti i Kalifornisë, San Diego.
"Ne kemi menduar se ndoshta ekziston një lidhje mes mikrobiomit të dikujt dhe asaj se çfarë hanë njerëzit," shpjegoi ai.
Edhe pse studiuesit e gjetën një lidhje, ata nuk arritën ta dëshmojnë ndonjë lidhje shkak-pasojë. Nevojiten hulumtime të mëtejshme për të mësuar më shumë rreth lidhjes në mes të mikrobeve dhe migrenës, thanë autorët e studimit. Është e mundur që rezultatet e hulumtimeve të tilla mund të çojnë në trajtime të reja të migrenës, shtuan ata.
Studimi u publikua në revistën mSystems, një revistë kjo nga Shoqata Amerikane për Mikrobiologji.
Shumë prej 38 milionë personave që vuajnë nga migrena në Shtetet e Bashkuara e kanë vërejtur një lidhje midis migrenës dhe konsumimit të nitrateve. Nitratet ndodhen në ushqimet si mishi i përpunuar dhe perimet me gjethe të gjelbra. Ato ndodhen gjithashtu në ilaçe të caktuara, thanë autorët e studimit në një deklaratë për shtyp për revistën.