Mollët prej shumë vitesh kanë qenë në krye të listës së ushqimeve më të kontaminuara, ndërsa tani këtë vend po e zënë dredhëzat. Sipas regjistrimit të EWG-së (Environmental Working Goup) nga viti 2016, dredhëzat gjenden në krye të listës së ushqimeve që trajtohen më së shumti me pesticide të ndryshme.
Shkencëtarët kanë zbuluar se 98% e mostrave të dredhëzave e përmbajnë të paktën një pesticid, ndërsa një mostër ishte trajtuar me madje 17 kimikate të ndryshme, transmeton Koha.net. Prodhuesit i duan dredhëzat në treg gjatë gjithë vitit, dhe për këtë arsye është rritur edhe aplikimi i pesticideve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor dredhëzat nuk janë të vetmet. Ekzistojnë edhe 12 ushqime të trajtuara me sasi të mëdha të pesticideve, dhe këtu përfshihen: dredhëzat, mollët, nektarinat, pjeshkët, selino, rrushi, qershitë, spinaqi, domatet, specat e ëmbël, domatet cherry dhe trangujt.
Për fat të mirë, ekziston edhe një listë e ushqimeve të cilat gjithsesi duhet t’i shtoni në listën tuaj të blerjeve dhe t’i konsumoni pa frikë. Këtu përfshihen: avokado, misri i ëmbël, ananasi, lakra, bizelet (e ngrira), qepët, shpargu, mango, papaja, kivi, patëllxhani, pjepri, grejpfruti dhe lulelakra.
EWG me këto regjistrime ka dashur të theksojë se është e nevojshme të hahen fruta dhe perime, por gjithsesi duhet kufizuar konsumimin e pesticideve. Përmes blerjes së ushqimeve organike ne mund t’i shmangim pesticidet dhe të ndihemi të sigurt.