Ministri i Kulturës, Rinisë dhe Sportit, Kujtim Gashi, ka pritur sot në takim kryesuesen e Zyrës së Bashkimit Evropian në Kosovë, Natalya Apostolova.
Në takim u bisedua rreth bashkëpunimit të MKRS-së me Zyrën e BE-së në Kosovë/PSBE, në fushat specifike, që lidhen me kulturën e trashëgiminë kulturore dhe programin dhe planet e ministrisë për të ardhmen.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistri Gashi tha se MKRS-ja është plotësisht e përkushtuar të bashkëpunojë me Zyrën e BE-së në Kosovë/PSBE në dobi të kulturës, trashëgimisë kulturore, rinisë dhe sportit dhe në avancimin dhe harmonizimin e legjislacionit me standardet e BE-së.
Ministri e informoi shefen e BE-së në Kosovë, Apostolova, se fusha e trashëgimisë do të mbetet ndër prioritetet e ministrisë.
Ndërsa, përfaqësuesja e BE-së, Apostolova e falënderoi ministrin Gashi për pritjen dhe e uroi për detyrën. Ajo theksoi se bashkëpunimi i BE-së me MKRS-në do të vazhdojë e veçmas në projektet për kulturë të cilat promovojnë dialogun kulturor mes komuniteteve që jetojnë në Kosovë.
Më tej, Gashi dhe Apostolova u shprehën se bashkëpunimi dhe bashkëbisedimi janë rruga më e mirë për të krijuar mirëbesim ndërmjet komuniteteve në Kosovë duke theksuar se do të punojnë për një gjë të tillë.