Qeveria e Kosovës në Programin e punës për katër vjetët e ardhshëm ka projekte kulturore që për vite gjenden në sirtarët e Ministrisë së Kulturës.
Sipas programit të Qeverisë, që tashmë është votuar nga Ekzekutivi, do të vazhdohet puna për projekte kapitale në kulturë, si teatri i operës dhe baletit “Dr. Ibrahim Rugova” dhe ai për Muzeun e arteve bashkëkohore, shkruan sot “Koha Ditore”. Që të dyja këto projekte numërojnë më shumë se një dekadë, që premtohen nga secili kabinet qeveritar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistria e Kulturës synon të ndërtojë një muze të ri, atë të paqes. Por sipas ish-kabinetit të Ministrisë së Kulturës edhe ky projekt është paraparë në qeverisjen e tyre. Pavarësisht këtyre planifikimeve, shteti tash e 18 vjet nuk ka një Ligj për muzetë, i cili do të rregullonte edhe procesin e themelimit të një muzeu. Pos kësaj, në Programin e Qeverisë për katër vjetët e ardhshëm planifikohet që të bëhen reforma në organizimin e institucioneve vartëse të Ministrisë së Kulturës dhe rishikim i legjislacionit.
Sipas Programit të Qeverisë, Ministria e Kulturës, Rinisë dhe Sportit do të sponsorizojë një proces të gjerë për rishikimin e të gjitha akteve ligjore dhe nënligjore, të cilat rregullojnë fushën e kulturës, dhe njëkohësisht do të avancojë legjislacionin për fushën e kulturës... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.