Baleti Kombëtar i Kosovës do të prezantohet me dy shfaqje brenda një nate në edicionin e 13-të të “Mozart Festival”, që mbahet në Pravets, Bullgari.
Shfaqja “Xhuljeta pa Romeon” me koreografi nga Darrel Toulon dhe shfaqja “Dasma” me koreografi nga Mehmet Balkan, do të shkrihen në skenën e këtij festivali në Bullgari më datë 15 korrik duke filluar në ora 20:30, transmeton KultPlus.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë rolet kryesore të shfaqjes “Xhuljeta pa Romeon” luajnë balerinët: Teuta Krasniqi, Fatmir Smani, Muhamet Bikliqi, Sead Vuniqi, Leonora Rexhepi, Vjollca Llugiqi por jo më pak të rëndësishëm janë edhe balerinët e tjerë.
Shfaqja “Dasma” është një bashkëpunim shqiptaro-turk. Koreografi i saj është Mehmet Balkan, një nga koreografët më të njohur në Europë. “Dasma” është bashkëpunimi i tij i dytë me trupën e baletit të Kosovës.
