Bienalja Ndërkombëtare e Akuarelit, ngjarje e cila në Tiranë mbahet që dy vite, tashmë do të marrë jetë edhe në Kosovë, më saktësisht në Prishtinë.
E organizuar për herë të parë në vendin tonë, në këtë Bienale tashmë kanë marrë pjesë artistë të ndryshëm nga e gjithë bota.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoJanë rreth 280 punime të akuarelit prej vendeve të ndryshme të botës që janë përzgjedhur për të qenë pjesë e Bienales. Këta artistë janë selektuar nga juria profesionale, duke u bërë një përzgjedhje prej artistëve më të mirë në botë.
Juria ka qenë në përbërje të: Atanur Dogan, Liu Yi, ZeZe Lai, Amit Kapoor, LeFe, Linda Doll, Jansen Choë dhe Besnik Xhemaili.
Shtete pjesëmarrëse në këtë Bienale janë: Shqipëria, Bahamas, Bangladesh, Brazili, Bullgaria, Kina, Egjipti, Greqia, Gjermania, India, Hong Kong, Irani, ItaliaRomania, Spanja, USA, Turqia, Rusia, Romania e shumë vende të tjera.
Bienalen e Akuarelit për herë të parë në Kosovë po e organizon Besnik Xhemaili, i cili ka njoftuar për KultPlus se kjo ngjarje do të mbahet në Universitetin UBT te QMI-ja rrugës Prishtinë – Lipjan, nga data 17 deri më 21 korrik.
Gjatë kësaj Bienale do të ketë aktivitete si demonstrime live të teknikës së akuarelit. Artistët janë: Atanur Dogan, Asuman Dogan, Besnik Xhemaili, Ali Abbas Said, Selma Todorova, Krasi Todorov. Ndërsa më date 18 korrik do të hapet ekspozita në UBT.
Bienalja e Akuarelit në Kosovë është mbështetur nga Ministria e Kulturës, Rinisë dhe Sportit.
{gallery}