Policia e Kosovës, Njësia e krimeve ekonomike dhe antikorrupsion nga shtabi qendror, që veprojnë në Gjilan, ka ekzekutuar dje një urdhëresë të Gjykatës Themelore në Gjilan.
I dyshuari shqiptar, shtetas i Kosovës, V.M. (1949) në Qendrën Tregtare ETC-Gjilan, është takuar me ankuesin, po ashtu shqiptar, shtetas të Kosovës, me qëllim që t’i pranojë 21.000 euro (njëzet e një mijë) kamatë-fajdeje për parat që i kishte dhënë prej vitit 2009 deri në vitin 2012, përkundër faktit që gjatë vitit 2015 i dyshuari kishte pranuar nga ankuesi borxhin bazë 6.500 euro, si dhe në emër te kamatës kishte pranuar edhe një sasi të konsiderueshme të hollash.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoI dyshuari nga shumën totale që i kishte dhënë ankuesit ishte 6.500 euro, ndërsa në emër të kamatës kishte kërkuar edhe 21.000 euro.
Policia e Kosovës ,njësitet kundër krimeve ekonomike, në flagrancë kanë ndalur dhe arrestuar të dyshuarin deri sa ishte duke biseduar me viktimën. Ai është arrestuar dhe sjellë në lokalet e Policisë së Kosovës, ku është intervistuar në prani të avokatit mbrojtës.
Është bastisur edhe shtëpia e të dyshuarit, ku është gjetur dhe sekuestruar përkohësisht një kartëmonedhë në vlerë prej 500 eurosh me nr.ser.X09543876104, e cila dyshohet të jetë e falsifikuar. Në lidhje me rastin ka qenë i njoftuar prokurori Shtetit dhe ai ka lëshuar aktvendim mbi ndalimin e personit të dyshuar për 48 orë. Rasti është duke u hetuar.