Profesori në Fakultetin e Arteve, Alban Nimani, po pretendon se gjatë ditës së sotme është sulmuar fizikisht nga kolegu i tij, Mehmet Behluli.
Ngjarja, sipas Nimanit, ka ndodhur në zyrën e prodekanit të Fakultetit të Arteve në Prishtinë, Basri Mekolli, teksa tregon versionin e tij të kësaj zënke.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNga ana tjetër, Mehmet Behluli e ka mohuar kategorikisht ta ketë goditur Nimanin, duke theksuar se Nimani e sulmoi atë.
Zëdhënësja rajonale e Policisë së Kosovës, Flora Ahmeti, e ka konfirmuar për KTV-në përleshjen mes profesorëve.
Sipas saj, personat e përfshirë në këtë rast janë intervistuar dhe janë liruar me procedurë të rregullt.
Dekani Agim Selimi dhe prodekani Basri Mekolli nuk kanë dashur ta komentojnë përleshjen e profesorëve Nimani dhe Behluli.
Mirëpo, ishte profesori në Fakultetin e Arteve, Xhevdet Pantina, i cili po pretendon se e kishte paralajmëruar muaj më parë hierarkinë e Universitetit të Prishtinës se një përleshje e tillë do të ndodhte.
Profesorët Nimani dhe Behluli u shprehen të mos kenë pasur më herët ndonjë konflikt mes vete, teksa shtuan se ndjejnë keqardhje për këtë rast, që ka ndodhur në ambientet e Fakultetit të Arteve.