Policia e Kosovës përmes një njoftimi për media, ka treguar se mbrëmë rreth orës 22:00, të dyshuar të panjohur me një automjet të llojit BMW kanë shkuar në një punishte ku po kryen punë një ndërmarrje private dhe nga makineritë, duke i hapur me forcë rezervuarët, kanë vjedhur sasi të panjohur të naftës.
Policia ka njoftuar se fillimisht të dyshuarit e kishin kanosur rojtarin se po s’u largua do ta pësojë keq. Pasi kishin kryer vjedhjen ata ishin larguar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Roja i kishte ndjekur me automjet dhe posa e kuptojnë se roja po i ndiqte, njëri nga ta kishte shkrepur me armë zjarri disa fishekë, e që ende nuk dihet në çfarë drejtimi”, thuhet në njoftimin e policisë.
Me ta pranuar informatën, njësitë patrulluese nga Stacioni Policor “Veriu” kanë dalë në vendin e ngjarjes dhe kanë kryer hetime intensive me ç’rast i kanë bllokuar rrugët prej nga mund të lëvizin vjedhësit.
Në pamundësi për të ikur, të dyshuarit e kanë braktisur automjetin në një pyll dhe kanë ikur.
Ndërkaq, sot është arrestuar P. P. Nga Sërbica e Epërme dhe pas intervistës në prani të avokatit mbrojtës, është informuar prokurori i shtetit i cili ka urdhëruar që i dyshuari të ndalet nën arrest, ndërsa një i dyshuar tjetër është arratisur.
“Vetura e braktisur është sekuestruar dhe do të shërbej si provë materiale. Ndërsa mbetet të gjendet edhe arma e zjarrit që dyshohet të jetë përdorur”, thuhet në fund në njoftimin e policisë.