Shkolla fillore në Mitrovicë “Musa Hoti”, është përfshirë nga zjarri të dielën.
Sipas zëdhënësit të Policisë së Kosovës, për rajonin e Mitrovicës, Avni Zahiti, në lidhje me rastin nuk është raportuar për të lënduar.
Ai ka shpjeguar se fillimisht është raportuar për një shtëpi të kapluar nga zjarri e cila gjendet në lagjen ‘Bajr’ të Mitrovicës, në afërsi të shkollës ‘Musa Hoti’ dhe si pasojë e zjarrit është përfshirë nga flakët edhe një pjesë e shkollës në fjalë.
Zahiti ka bërë të ditur se njësitë emergjente të zjarrfikësve kanë dalë në vendin e ngjarjes me ç’rast edhe kanë arritur që të shuajnë zjarrin.