Gjykata Themelore e Prizrenit e ka aprovuar kërkesën e Prokurorisë Themelore të Prizrenit, duke i caktuar masën e paraburgimit prej një muaji të pandehurve nga fshati Bllacë – Komuna e Suharekës me iniciale P.S. dhe A.S.
Dy të pandehurit dyshohet se kanë tentuar të privojnë nga jeta një person të tretë si pasojë e një mosmarrëveshje paraprake dhe rrahje mes të pandehurve dhe të dëmtuarve me iniciale Sh.S. dhe Rr.S..
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Të pandehurit dyshohen për shkelje të Kodit Penal, sepse me datën 01.06.2017, rreth orës 17.00, në fshatin Bllacë, Komuna e Suharekës, pikërisht tek lapidari i fshatit, të pandehurit në bashëkryerje tentojnë ta privojnë nga jeta personin tjetër në atë mënyrë që pas një mosmarrëveshje paraprake dhe rrahjes në mes të pandehurve dhe të dëmtuarve me iniciale Sh.S. dhe Rr.S, i pandehuri me iniciale P.S. nga sedilja e traktorit të cilin ishte duke e drejtuar, nxjerr armën automatike “AK 47” me të cilën shkrep në drejtim të dëmtuarit Sh.S., duke e goditur të njëjtin në këmbën e djathtë, ndërsa i pandehuri A.S., me një pistoletë të modelit të panjohur për momentin, shkrep në drejtim të dëmtuarit Sh.S. dhe e godet në regjionin e kokës duke i shkaktuar plagë selopetare. Duke e pasur parasysh faktin se që të dy familjet një kohë të gjatë i kanë raportet e acaruar, gjykata iu ka caktuar masën e paraburgimit”, ka theksuar Gjykata Themelore e Prizrenit, raporton Koha.net.
Sipas Gjykatës, me këto veprime të pandehurit me iniciale P.S dhe A.S. dyshohen se në bashkëkryerje kanë kryer veprën penale, “vrasje e mbetur në tentativë” nga neni 178 lidhur me nenin 28 dhe me nenin 31 të KP-së si dhe i pandehuri me iniciale P.S edhe për shkak të veprës penale “mbajtja në pronësi, kontroll, posedim të paautorizuar të armëve” nga neni 374 par.1 të KP-së.