Kryetari i Komunës së Drenasit, Ramiz Lladrovci ka pritur në takim përfaqësuesit e UNDP-së në Kosovë, me të cilët ka biseduar për fillimin e bashkëpunimit dhe hartimit të Planit të Integritetit.
Lladrovci ka falënderuar përfaqësuesit e UNDP-së për gatishmërinë e bashkëpunimit me Komunën e Drenasit dhe dhënien e këshillave për mbështetjen në trajnimin e burimeve njerëzore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKreu i Drenasit, në kuadër të këtij bashkëpunimi, ka kërkuar këshillime dhe praktika të mira në fushën e sundimit të Ligjit, përkatësisht këshilltar ligjor, sepse Komuna e Drenasit ka vështirësi me disa prona të uzurpuara, ndërtimet në zonat e ndaluara dhe në zonat e komosacionit.
“Kërkoj mbështetjen tuaj në fushën e sundimit të ligjit, pasi që plani im qeverisës është i pakompromis në luftën kundër korrupsionit dhe sundimin e ligjit”, ka thënë Lladrovci.
Përfaqësuesit e UNDP-së kanë shprehur gatishmërinë e përkrahjes për Komunën e Drenasit në burimet njerëzore dhe avancimin e organizimit dhe riorganizimit të stafit komunal, por para kësaj, është kërkuar që përmes një grupi punues të përfaqësuar nga Komuna dhe UNDP-ja të behët Plani i Integritetit për të vazhduar pastaj me zbatimin e masave që dalin nga ky dokument.