Një kompanie të vendosur në Zonën industriale në Suharekë i është prishur njëra nga makineritë këtë të hënë për shkak të ndërprerjes së energjisë elektrike.
Dhe, e gjithë kjo sipas bizneseve që janë të vendosura në këtë hapësirë ka ndodhur për shkak se KEDS-i nuk i kishte lajmëruar paraprakisht se në këtë pjesë do të ndërpritej energjia elektrike, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë këtë fabrikë kanë dëshmuar edhe me dokumente se si paguajnë rregullisht mijëra euro për energjinë e shpenzuar.
Për shkak të situatës së krijuar as drejtuesit e kësaj kompanie e as të kompanive tjera, ende nuk kanë nisur të vlerësojnë dëmet që u ka shkaktuar kjo ndërprerje.
Ndërkohë që ka të tillë që për shkak të dëmeve që shkaktuara më herët janë ende duke luftuar nëpër gjykata me KEDS-in.
Një situatë e tillë ka shqetësuar edhe kryetarin e kësaj komune, i cili kishte vizituar bizneset e dëmtuara nga ndërprerja e energjisë.
Në mëngjes, përfaqësuesit e kompanive kanë pasur një takim me zyrtarë të KEDS-it në këtë komunë, nga të cilët kanë marrë lajmin se edhe në orën 15 do të kenë ndërprerje të sërishme të energjisë.
Kjo kishte bindur përfundimisht bizneset që me punëtorë e automjete të organizonin një marsh protestues.
Për shkak të presionit të madh publik, KEDS-i hoqi dorë nga ndërprerja e rrymës në orën 15, por të njëjtën e realizoi një orë më pas, kur protesta përfundoi.
KEDS-i, siç e ka bërë zakon, i është përgjigjur KTV-së vetëm me shkrim, duke thënë se energjia është ndërprerë me kërkesë të KOSTT-it. Madje thotë se bizneset janë njoftuar përmes mediave dhe janë telefonuar konsumatorët pavarësisht se një shërbim të tillë nuk e kanë obligim.