Kryetari i Komunës së Rahovecit, Idriz Vehapi ka pritur sot në takim drejtuesit e OJQ-ve dhe Shoqatave të cilët kanë përfituar nga thirrja publike për shpërndarjen e subvencioneve të përgatitur nga Drejtoria e Shëndetësisë dhe Mirëqenies Sociale dhe bazuar në rregulloren Komunale për ndarjen e subvencioneve gjatë këtij takimi janë nënshkruar marrëveshjet me secilin përfitues.
Vehapi pas nënshkrimit të marrëveshjeve me drejtuesit e OJQ-ve dhe Shoqatës i ka uruar ata për punën të cilën e bëjnë në vazhdimësi dhe i ka premtuar se edhe në të ardhmen do të kenë përkrahjen e institucioneve Komunale, “pasi që ju kryesisht ofroni shërbime sociale dhe familjare dhe keni nevojë që të keni përkrahje të vazhdueshme”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas komunikatës së Komunës së Rahovecit, drejtuesit e OJQ-ve dhe Shoqatës e kanë falënderuar Vehapin për përkujdesjen e tij të treguar dhe mbështetjen e dhënë sa herë që kanë pasur nevojë për realizimin e projekteve të cilat kanë të bëjnë me zhvillimin e aktiviteteve avokuese, këshilluese dhe ofrimin e drejtpërdrejt të shërbimeve sociale dhe familjare.
Të drejtë aplikimi bazuar në thirrjen publike kanë pasur të gjitha OJQ-të dhe Shoqatat të cilat ofrojnë shërbime sociale dhe familjare. OJQ-të të cilat kanë përfituar mjete financiare nga kjo thirrje publike janë: Shoqata e pavarur e gruas “Hareja” me 1700 euro, OJQ “Humaniteti” me 1000 euro, OJQ ShL-Kosova me 1600 euro dhe OJQ “Handikos” me 1000 euro. Me mjete financiare, Komuna e Rahovecit nga buxheti i saj i ka ndihmuar OJQ-të dhe Shoqatat edhe në të kaluarën.