Ambasadori i Japonisë në Austri, Kiyoshi Koinuma dhe sekretarin e parë e kësaj ambasade dhe përgjegjës për Zyrën e Japonisë në Kosovë, Mitsunori Ogasawara, sot kanë vëzhguar punimet që janë duke u bërë në urën e Ibrit në Mitrovicë.
Gjatë takimit me kryetarin e Mitrovicës Jugore, Agim Baftiri, ambasadori japonez ka thënë të ketë dëgjuar për problemet lidhur me urën dhe shpreson që së shpejti të tejkalohen këto probleme.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoQëllimi i vizitës së tij ishte që të njoftohet me pesë komunat e Kosovës, të cilat kanë fituar grande nga qeveria e Japonisë.
“Qëllimi i vizitës time në Kosovë është që të njoftojmë pesë komunat e Kosovës për grandet që për to ka nda Qeveria e Japonisë, për të ndihmuar zhvillimin e sektorit të shëndetësisë dhe arsimit. Nga këto grande do të ndërtohen ambulanca e shkolla, si dhe do të sigurohen pajisje të nevojshme për këta sektorë”, tha ai.
Kryetari Bahtiri gjatë takimit ka folur për prodhimin e kërpudhave “Hirano Mushroom”, derisa ka ftuar për investime në Mitrovicë e Kosovës.
Ndërkaq, sekretari i parë i ambasadës së Japonisë në Vjen dhe përgjegjës për Zyrën e Japonisë në Kosovë, Mitsunori Ogasawara, pasi dëgjoi nga kryetari Bahtiri për problemet në shëndetësinë e komunës, premtoi sigurimin e mjeteve të tjera për blerjen e aparatit të mamografit më bashkëkohor, meqë mungonin këto mjete, pasi që komuna ka arritur deri tash që të sigurojë vetëm rreth 40.000 euro.