Shukri Nebihu, drejtor i gjimnazit “Ruzhdi Berisha” në Dragash, vazhdon punën në këtë shkollë, edhe pse Inspektorati i Arsimit kishte gjetur shkelje gjatë procedurave të përzgjedhjes së tij në këtë post.
Në vendim thuhej se Nebihu nuk i plotësonte kriteret për të qenë drejtor, pasi duhet të kishte tre vjet përvojë pune, ndërsa ai kishte vetëm 17 muaj, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDrejtori i Arsimit në Komunën e Dragashit, atëkohë, Hajri Ramadani, nuk e kishte respektuar këtë vendim të Inspektoratit dhe rasti kishte shkuar në Gjykatën e Apelit, e cila e kishte dënuar për keqpërdorim të pozitës zyrtare.
Dhe në tetor të vitit të kaluar, ai ishte larguar edhe nga detyra e drejtorit të Arsimit.
Ish-drejtori i Arsimit, Hajri Ramadani, thotë se vendimi për largimin e Shukri Nebihu i kishte ardhur pas 9 muajsh që kur ishte zgjedhur si drejtues i shkollës.
Ramadani për këtë thotë se ka kërkuar sqarime edhe nga Ministria e Arsimit, por këta të fundit nuk i kishin kthyer ndonjë përgjigje.
Në Ministrinë e Arsimit nuk dëshirojnë të komentojnë në lidhje me drejtorin Nebihu, pasi thonë se është përgjegjësi komunale.
E as kryetari i Komunës së Dragashit, Salim Jonuzi, nuk dëshiron ta komentojë këtë, pavarësisht deklarimeve të zyrtarëve të Inspektoratit në MASHT.
Në anën tjetër, as drejtori i Gjimnazit, Shukri Nebihu, nuk ka dashur të flasë për këtë çështje.