Muhamet Kalanica, zyrtar i Drejtorisë së Bujqësisë në kuadër të mbrojtjes së pyjeve, kishte përdorur disa herë pozitën e tij zyrtare me marrje të mitos apo ryshfetit.
Këtë ia kishte konfirmuar edhe Gjykata Themelore në Ferizaj, për çka e kishte dënuar një herë me gjobë e herën e dytë me burgim prej gjashtë muajsh, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMë pas, Gjykata, pavarësisht veprës penale të vërtetuar, vendosi që ai të mbrohet në liri, gjë që atij komuna ia mundësoi kthimin në vendin e njëjtë të punës.
Të vetmen masë disiplinore, të cilën e kishte marrë Komisioni Disiplinor kundër Kalanicës, ishte ndërrimi i zyrës.
Një vendim të tillë, Shoqëria Civile e quan direkt kontribut të rritjes së nivelit të korrupsionit.
Zyrtarët ligjorë në këtë komunë vendimin e tyre e arsyetojnë në bazë të ligjit për shërbyesit civilë, sipas të cilit, shkëputja e marrëdhënies së punës mund të bëhet vetëm në rast të dënimit nga Gjykata për vepër penale me burgim për gjashtë muaj e më tepër.
Opozita thotë se një vendim i tillë tregon nivelin e qeverisjes së keqe në këtë komunë.
Kohavisioni ka kontaktuar edhe teknikun e pyjeve, Muhamet Kalanica, por ai ka thënë se nuk dëshiron të komentojë lidhur me vendimin e komunës për kthimin e tij në vendin e punës, pavarësisht dënimit me burg.