Në mbledhjen e radhës të Bordit të drejtorëve të Komunës së Mitrovicës, kryetari Agim Bahtiri ka kërkuar nga drejtorët e drejtorive përkatëse që urgjentisht të intervenojnë tek ministritë përkatëse për ndërprerjen e degradimit, përkatësisht ndotjes së ambientit nga dy operatorë që merren me përpunimin e vajrave motorikë.
Fillimisht Bahtiri u njoftua nga drejtorët Ismet Syla, Sami Zeka e Saad Gashi për ankesat e shumta të qytetarëve të lagjeve përreth urës lindore të lumit Ibër, pastaj të “Lagjes së Boshnjakëve” në veri të lumit, asaj “2 Korriku”, Shupkofcit, etj., që janë duke i përsëritur disa herë, për shkak të ndotjes së ambientit, përkatësisht të ajrit nga operatorë e licencuar nga ministritë përkatëse, për përpunimin e vajrave motorikë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMadje, siç bën me dije komuna përmes një komunikate, qytetarët janë duke e nënshkruar një peticion për ndërprerjen e punës të këtyre operatorëve.
Drejtorët i thanë kryetarit Bahtiri se organet komunale kanë kërkuar disa herë nga operatorët dokumentet për punë dhe lejet e punës, por ato nuk u janë dhënë nga drejtuesit e operatorëve.
Sipas tyre, “këta operatorë zakonisht punojnë ditëve të festave, të shtunave e të dielave, si dhe natën vonë kur ka mjegull, të reshura atmosferike etj, për t’i ikur syrit të inspektorëve komunalë”.
Sidoqoftë, ata thanë në vazhdim se nuk kanë kompetenca për ndërmarrjen e masave ligjore që mund t’i detyrojnë operatorët për ndërprerjen e punës, apo zbatimin e standardeve për mos ndotje të ajrit.
Pikërisht, për këtë arsye, Bahtiri kërkoi nga drejtorët që urgjentisht të kontaktojnë me ministritë përkatëse dhe të marrin hapa të përbashkët për zgjidhjen e këtij problemi që i ka shqetësuar dhe indinjuar qytetarët, që, siç tha ai, “janë të mllefosur në papërgjegjësinë e drejtuesve të operatorëve dhe kërkojnë me plotë arsye ndërprerjen e këtyre aktiviteteve”.
“Nëse ministritë nuk ndërmarrin masat e nevojshme, ne duhet të gjemë rrugë të tjera ligjore për ruajtjen e ambientit dhe realizimin e kërkesave të drejta të qytetarëve, shëndeti i të çileve është duke u rrezikuar nga këta operatorë të papërgjegjshëm”, tha Bahtiri.