Lipjan, 11 prill – Këshilltarët e subjekteve opozitare PDK dhe AAK në Lipjan, pas zgjedhjes së kryesuesit të ri të KK-së me shumicë të votave i janë drejtuar Ministrisë së Administrimit të Pushtetit Lokal (MAPL), në mënyrë që vendimi i tyre të legjitimohet.
Përçarja e KK-së po vazhdon që nga prishja e koalicionit qeverisës LDK-AAK, ndërkohë në mbledhjen e fundit pak ditë më parë derisa Ekzekutivi, këshilltarët e LDK-së dhe kryesuesja e KK-së Vlora Limani-Hajnuni e kanë braktisur sallën me arsyetimin se pikat e rendit të ditës nuk kishin marrë votat e mjaftueshme për procedim, atëherë opozita sipas procedurave e ka zgjedhur kryesues të ri Nazmi Krasniqin, nga radhët e PDK-së.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSubjektet opozitare janë bazuar në nenin 47 të Ligjit të vetëqeverisjes lokale, pika 2,3, pastaj në bazë të Statutit të Komunës së Lipjanit, neni 28 pika 3 dhe në bazë të Rregullores së punës së KK-së, duke kërkuar votëbesimin për kryesues të KK-së, derisa shumicën e numrave në KK tashmë e ka opozita.
Ndërkohë i kontaktuar, Nazmi Krasnqi, i zgjedhur kryesues i ri i KK-së nga opozita, ka thënë se në fund të javës i është drejtuar MAPL-së për legjitimim të vendimit, ndërkohë në të ardhmen e afërt pritet ta thërrasë mbledhjen e radhës së KK-së, duke u bazuar në Ligjin e vetëqeverisjes lokale.
Nga ana tjetër Vlora Limani-Hajnuni, kryesuese e deritashme e KK-së ka thënë se veprimi i opozitës për zgjedhjen e kryesuesit të ri është i kundërligjshëm me arsyetim se seanca është mbyllur dhe askush tjetër nuk ka të drejtë ta thërrasë një mbledhje të tillë përveç saj (gjerësisht, sot në “Kohën Ditore”).