Prizren, 11 prill – Drejtoria e Financave e Komunës së Prizrenit, ende nuk e ka publikuar raportin financiar për vitin e kaluar, gjë që ka shtyrë këshilltarët e Kuvendit të Komunës, që të kërkojnë përshpejtimin e prezantimit të këtij dokumenti në organin më të lartë vendimmarrës.
Drejtuesit e dikasterit të financave kanë theksuar se kanë pas disa probleme teknike, sa i përket grumbullimit të dhënave të sakta për shpenzimet. Prandaj dhe janë vonuar me publikimin e raportit vjetor financiar. Këshilltarja e KK-së së Prizrenit, Ajshe Shala, duke konsideruar se raporti vjetor për shpenzimet dhe realizimin përfundimtar të buxhetit komunal duhet të prezantohet në KK, ka kërkuar llogari nga Ekzekutivi lidhur me afatet.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDrejtori i Financave, Ertan Simitçi, ka konfirmuar se raporti në fjalë ende nuk është publikuar. Tashti, raporti është hartuar, dërguar në përkthim dhe presim që në prill të prezantohet në seancën e KK-ja, ka deklaruar Simitçi.
Në mungesë të raportit vjetor financiar, DF-i ka publikuar raportin vjetor të punës. Sipas të dhënave të prezantuara në raportin e punës së DF-së, del se në vitin e kaluar Komuna e Prizrenit kishte planifikuar 9,48 milionë euro të hyra vetjake dhe kishte arkëtuar 6,29 milionë euro, apo afro 66.4 për qind.
Në raportin e punës së DF-së, te kategoria e shpenzimeve figuron se vitin e kaluar, komuna kishte shpenzuar afro 1 milionë euro për mallra e shërbime, 418 mijë euro për shpenzime komunale dhe 12, 33 milionë euro për investime kapitale. Këshilltarët e KK-së nga radhët e opozitës vazhdimisht kanë kritikuar Ekzekutivin lokal për arkëtimin e ulët të hyrave vetjake (gjerësisht, sot në “Kohën Ditore”).