Të gjitha agjencitë italiane të lajmeve nisën sot një grevë, ditë që përkon me ngjarje të rëndësishme si 60 vjetori i Traktatit të Romës dhe vizitën e papa Françeskut në Milano, për të kërkuar mbajtjen e abonimeve shtetërore.
Ato protestuan kundër një projekti të qeverisë që ka të bëjë me zhvillimin e tenderëve për furnizimin e informacioneve të hapura për të gjitha agjencitë evropiane, që rrezikojnë sipas tyre për disa agjenci të humbin abonimet publike që përbëjnë një pjesë të rëndësishme të burimeve të tyre, transmeton KP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPër koordinimin e komiteteve të redaksisë së agjencive italiane të lajmeve, ky projekt kërcënon qëndrueshmërinë dhe në disa raste mbijetesën e ndërmarrjeve dhe redaksive duke rrezikuar pluralizmin e informacionit dhe mbrojtjen e interesave të informacionit kryesor italian përballë grupeve të mëdha editoriale të huaja.
Dje në mbrëmje, ministri i ngarkuar me sektorin e Informacionit, Luca Lotti, rikonfirmoi vullnetin e Qeverisë për të mbështetur pluralizmin, duke theksuar në një komunikatë se koordinimi i agjencive kishte kompromis të njëanshëm për negociatat në vazhdim.
Në reagim të kësaj komunikate, koordinimi i agjencive njoftoi një ndërprerje të punës së rreth 800 gazetarëve dhe 14 agjencive italiane të lajmeve, Ansa, Agi, Radiocor… për 24 orë.